| Lekua: Bizkaia Aretoa. Azkue Aretoa Data eta Ordutegia: – 2024ko azaroaren 9a (larunbata), 16:00 (euskara) – 2024ko azaroaren 9a (larunbata), 17:45 (gaztelania) Publikoa: 6 urtetik aurrera Iraupena: 90 minutu |
Txikitatik erakusten digute ura koloregabea, usaingabea eta zaporegabea dela. Baina ba al zenekien egunero kontsumitzen dugun urak zapore ezberdinak dituela bere jatorriaren arabera? Tailer honetan, uraren propietate organoleptiko harrigarriak ezagutzera gonbidatzen zaitugu, ur mota ezberdinen dastaketaren bidez.
Gainera, urak bizitzaren garapenean eta sostenguan duen funtsezko zereginean murgilduko gara. Parte-hartzaileek beren ur-molekula sortzeko aukera izango dute eta, ariketa praktiko honen bidez, uraren propietate paregabeei esker, landareek elikagaiak xurgatzea eta arrainek laku izoztuetan bizirik irautea ahalbidetzen dutela ikasiko dute.
Ura zaporegabea delako ideiari aurre egiteko, lau ur mota ezberdin dastatzeko aukera emango diegu parte-hartzaileei. Lagin bakoitzaren konposizio kimikoa ondorioztatu beharko dute, eta bere jatorriarekin lotu. Botilako uren etiketak ere aztertuko ditugu, konposizio kimikoa hobeto uler dadin
Azkenik, uretan dauden mikroorganismoen agerpena jorratuko dugu. Uraren usaimenean edo dastamenean eraginik ez izan arren, mikroorganismo horiek irenstea osasunerako arriskutsua izan daiteke. Edateko uren araztegietan ura tratatzeak duen garrantzia azalduko dugu, baita edaten dugun ura segurua dela nola ziurtatzen den ere.
