Uraren kultura-paisaiak Gasteizko periferian

Kultur Paisaiak eta Ondarea UNESCO Katedrak Zientzia Astearen esparruan antolatutako IBILBIDE DIDAKTIKOEN IV. edizioa da hau. Urtero legez, Katedrako kideek eguneroko paisaien inguruan egiten dituzten ikerketen jakintza eta emaitzak herritarrei hurbiltzea izango da ekimen honen helburu nagusia. Aurreko edizioetan ibai korridoreen gainean interesa piztu zela ikusita, aurten Zadorra ibaira itzuliko gara berriro, Vitoria-Gasteizko periferiako uraren kultur paisaia hobeto ezagutzeko asmoz.

Paisaia zeharkatuko dugu elkarrekin, uraren dinamikekin lotura duen ondare handiaezagutu eta ulertu ahal izateko.Antzinako paisaiek eta gaur egungoek sortzen duten mosaikoaren lekuko da Arabako lautada. Bertan, errota hidraulikoak dira nagusi; izan ere, inguru horretan erreferente izan dira IX. mendetik, komunitate erlijiosoarekin izandako loturaren ondorio gisa,eta oinarrizko azpiegitura dira gaur egun nekazaritzako baliabideak ustiatzeko sistema artikulatzeko orduan. Bada, inguru horretan egingo dugu osteratxoa; Abetxukoko ainguran hasi eta, Igorreko errotatik igarota, Gobeoko errota zaharraren hondarretan bukatuko dugu.

Ibilbidean zehar, hainbat geldialdi informatibo egingo dira, guztien parte hartzearen bidez hainbat helburu lortzeko asmoz:

• Uraren paisaia kulturalen ondare material eta immateriala deskubritzea, eta errota sistemaren dinamika hidraulikoak ulertzea; baita ondare sistema produktibo horrek hiri dinamikekin eta industria sarearekin zer nolako harremana duen aztertzea ere.
• Gasteizko periferiako paisaia kulturalak izan duen eraldaketaren berri ematea, eta horrek duenjendartean, hirigintzan, ondarean eta ingurumenean duen garrantzi eta balioa agerian uztea.
• Hizpide dugun inguruarekin lotura duten espazioetatik ibiltzeak eragin ditzakeen pertzepzioak ulertu eta aztertzea.