Txoko honetan, lau eduki-multzoren bidez, osasun-hezkuntzaren garrantzia eta pertsonaren osasun egoeran duen eragina erakutsiko da:
- Bizi-konstanteak: Bizi-konstanteak neurtzearen eta monitorizatzearen garrantziaz ikasiko duzu, hala nola tenperatura, presio arteriala, bihotz-maiztasuna, arnasketa-maiztasuna eta oxigeno saturazioa.
- Larruazala, zauriak eta sendaketak: Esku garbiketaren garrantzia, larruazala nola zaindu, hainbat motatako zauriak nola tratatu eta orbaintze ona sustatzeko sendaketa egokiak nola egin erakutsiko dizugu.
- Bihotz-biriketako bizkortzea (BBB): BBBren funtsezko teknikak ezagutuko dituzu, konorte gabeko pertsonetan, bihotz-biriketako gelditzean eta arnasbideetako buxaduretan.
- Osasun-hezkuntzako proiektu desberdinen adibide praktikoak: Ohitura osasungarriak sustatzeko eta eguneroko bizitzan gaixotasunak prebenitzeko hainbat adibide praktiko eta aholku erabilgarri aurkeztuko ditugu.
