Garuna organismoaren organorik konplexuena da. Burmuinaren hainbat atal arduratzen dira funtzio espezifikoak koordinatzeaz eta gauzatzeaz. Drogek bizitzako funtzioetarako beharrezkoak diren garuneko eremu garrantzitsuak alda ditzakete, eta adikzioaren ezaugarri diren drogen abusu konpultsiboa ere piztu dezakete.
Stand honetan parte-hartzaileek garunaren oinarrizko egiturak, funtzionamendua eta drogen eragina ikasiko dituzte. Gainera, zientziak azken urteotan droga-mendetasunen arloan nola egin duen aurrera erakutsiko da modu didaktikoan. Horretarako, bertaratzen direnek eredu anatomikoak, programa informatikoak eta jokoak izango dituzte, eta garuneko egiturak eta sinapsia plastilinaz modelatu ahal izango dituzte.