| Jarduera honetarako izena emateko epea itxi da. Oraindik leku libreak daude eta jardueraren egunean esleituko dira iristeko hurrenkeraren arabera. |
| Lekua: Bizkaia Aretoa. Laboa Aretoa Data eta Ordutegia: 2024ko azaroaren 9a (larunbata), 9:00 (euskara) Publikoa: 8-12 urte Iraupena: 2 ordu |
Tailerrean itsasoaren azidotzea zer den eta zein eragina duen aztertuko dugu. Horretarako gure ikertzaile txikiek ikertzaileen laborategiko mantala jarri eta ikerketa zientifiko bat egingo dute.
Lehendabizi, itsaso uraren azidotasuna neurtzeko adierazlea prestatuko dute, eta ondoren berau erabilita ur-azido edota basikoak aztertuko dituzte, pH kontzeptua ikasteko.
Bestetik, itsaso uraren pH aldaketak bibalbioen maskorretan zein eragin duen aztertuko dute. Maskorrak azidotasun maila ezberdineko uretan murgildu ostean (ozpin kantitate ezberdineko urak), hainbat behaketa (lupa erabiliz) eta neurketa (pisaketak) egin beharko dituzte. Denboraren poderioz maskorren lodierak gora egingo al du? Ala maskorrak findu egingo dira?
Zatoz ikertzera! Zatoz ikertzaile gisa esperientzia bat izatera!
