Minaren kontra, ibuprofenoa ala parazetamola?

Ibuprofenoa eta parazetamola dira gehien erabiltzen diren sendagaiak min arin-moderatua arintzeko, eta, askotan, medikuaren errezetarik gabe eskuratzen dira. Hala ere, ibuprofenoa eraginkorra da hantura-jatorria duten minetan, eta parazetamola, berriz, ez da oso erabilgarria horrelako minetan. Jarduera honetan parte hartzen duten pertsonek ezberdintasun horren oinarri zientifikoa ezagutuko dute, eta, horregatik, beharrezkoa denean, farmako egokiena aukeratu ahal izango dute. Jardueraren helburua sendagai analgesikoen zentzuzko erabileran heztea da.

Horrela, parte-hartzaileek farmako analgesikoen eredu propioak sortuko dituzte, beren diana farmakologikoaren ereduari, COX entzimari, lotu ahal izateko. Bitartean, irakasleek eta ikertzaileek farmako horien mekanismo analgesiko diferentzialak azalduko dituzte.

Gainera, azalpen horren itzulpen grafikoa panel batean egingo da, eta bertan pieza itsaskorrak jarriko dira, mina nola sortzen den azaltzen duen ordena sekuentzial bati jarraituz (hanturazkoa izan ala ez). Eta medikamentuek dianetan duten eragina ere, mina arintzeko, egiaztatu ahal izango da.Paneleko bisitariek piezekin jolastu ahal izango dute sekuentzia zuzena osatzeko.

Horretarako, gai aktiboaren eta dianaren arteko elkarrekintza aztertuko dugu (parazetamol/ibuprofeno-enzima COX), material malguak erabiliz. Material horiekin, bai ibuprofenoak eta parazetamolak jarduten duten COX entzimaren egiturak sortuko ditugu, bai eta farmakoen egiturak ere. Horrez gain, panel ludikoak ere izango ditugu. Panel horiek pieza itsaskorrak izango dira, eta mina nola sortzen den (hanturazkoa den ala ez) eta botikek nola eragiten duten azalduko dute. Parte-hartzaileek pieza itsaskor horiekin jolasten ahalko dute eta sekuentzia zuzena osatu.