| Jarduera honetarako izena emateko epea itxi da. Oraindik leku libreak daude eta jardueraren egunean esleituko dira iristeko hurrenkeraren arabera. |
| Lekua: Bizkaia Aretoa. Barandiaran Aretoa Data eta Ordutegia: – 2024ko azaroaren 8a (ostirala), 17:15 (euskara) – 2024ko azaroaren 8a (ostirala), 18:30 (gaztelania) Publikoa: 12-18 urte Iraupena: 60 minutu |
Euskadiko ikertzaile zientifiko onenak zaretelako bildu zaituztegu. Zadorra ibaian egin genuen topo, eta atzora arte dena ondo zihoan. Ohiko ikuskapena egitean, ibaian hildako arrain ugari aurkitu genituen, hilgarria izan zitekeen agente batek eragindakoak. Zuen helburua FUNTSEZKOA da: arrainak hiltzen ari den agentea aurkitzea, gizakientzat hilgarria izan daitekeelako.
Tailer honetan, gure inguruan dauden hainbat motatako agente toxikoekiko (kimikoak, fisikoak eta biologikoak) esposizioak dakartzan osasun-arazo nagusiak ezagutuko dira. Era dinamiko, didaktiko eta dibertigarrian, ingurumen-aldaketa globalak giza osasunean dituen eraginei buruz ikasiko duzue.
Jarduera, lehenik eta behin, gizakiak planetako ekosistema naturaletan eragindako aldaketek gizakien osasunean nola eragiten duten azaltzen duen azalpen labur bat izango da, egungo eta etorkizuneko belaunaldien ongizatean eragina izango duena. Ondoren, ihesaldia hasiko da.
Zorte on, ikertzaileak!
