| Topalekua: Pio Baroja Kaia Data eta Ordutegia: – 2024ko azaroaren 10a (igandea), 10:00 (euskara, gaztelania) – 2024ko azaroaren 10a (igandea), 12:15 (euskara, gaztelania) Publikoa: guztientzat Iraupena: 2 ordu |
Sistema konplexu eta anitzak dira estuarioak.Truke guneak dira, bertan elkartzen baitira ibai ahoak itsasoarekin; oreka eta baldintza hauskorrak dituzte, eta uraren gazitasuna aldatu egiten da, hala estuarioaren gunearen arabera, nola sakontasunaren arabera (hau da, gazitasuna ezberdina da azaleran eta hondoan). Era berean, aldatu egiten dirauraren beste ezaugarri batzuk ere, hala nola pH-a, erredox potentziala, oxigeno disolbatua, etab.Ezaugarri horiek guztiek (baita, haiekin batera, nutrienteek, sedimentuek eta organismo biziek ere) berebiziko garrantzia dute estuarioetako ekosistemetan; izan ere, haiei esker, habitat ezberdin ugari sortzen dira inguru horietako ur eta ibaiertzetan.
Estuarioek bezala, berebiziko garrantzia dutegoi mendietako lakuek ere.Esaterako, sedimentuen erregistro geologikoek agerian uzten dute inguru horretan izan den gizajarduera eta haren bilakaera historikoa.
Proposatzen dugun jarduerak, beraz, oinarri zientifiko zein teknologikoa du.Aisialdirako barku bateko instalazioetan egingo da, horrek aukera ematen baitu Bilboko Itsasadarreko ur estuarikoen ezaugarri bereziak aztertzeko.Hala, itsasadarrak urteetan izan duen bilakaeraren berri emango da, eta itsasadarrakizan duen hobekuntza azalduko da, horretarako baliatuko direlarik IBeA ikertaldeak hainbat proiektutan egindakolaginketak(Ikerkuntza eta Berrikuntza Analitikoa ikertaldea, UPV/EHU).Horrekin batera, interes berezikotzat jo diren beste ur sistema batzuetako (hala nola goi mendietako lakuetako) ur eta sedimentuen hainbat alderdi ere aztertuko dira, eta paraje horietan sedimentuen eta uren laginketak nola egiten direnazalduko da.
Amaitzeko, itsasadarreko uretan laginak hartzeko aukera egongo da, sakontasun ezberdinetarako lagin hargailu espezifikoak erabiliz.
