Uran, edozein ekosisteman bezala, mikroorganismoak aurki ditzakegu; hots, begi hutsez ikusezinak diren organismoak. Hauek modu librean zein eremu urtarretako gainazal eta izaki bizidunen gainean eta barne egon daitezke. Horietako askok ekosistemarentzat ezinbestekoak dira, honen orekan parte hartzen dutelako. Hala ere, kaltegarriak suertatu daitezkeenak aurki ditzakegu ere. Azken horiek gizaki eta bestelako izakiongan kalterik sor ez dezaten uren analisi mikrobiologikoa berebiziko garrantzia dauka. Gure txokoan uraren mikrobiologiaren inguruko materialak egongo dira (kultura-medioak, froga biokimikoak, mikroorganismoen modeloak, mikroskopioak…) eta esperimentu erraz batzuk egingo dira, zuzenean, publikoaren grina pizteko.
