Hizkuntza gizakiaren funtsezko ahalmena da. Ikerketa kopuru handi batek aztertu du nola erdiesten dugun trebetasun liluragarri hau haurtzaroan eta nola aldatzen den hizkuntzaren prozesamendua umezaroaren eta helduaroaren artean. Aitzitik, orain arte, oso ikerketa gutxik aztertu dute prozesu hori helduaroan nola aldatzen den. Gizakiok hizkuntza nola prozesatzen dugun zinez ulertzeko, funtsezkoa da heldu gazteak eta heldu nagusiak paraleloan ikertzea. Gainera, zahartze osasungarria aztertzea oinarrizkoa da garapen osasuntsua
eta garapen patologikoa bereizteko bizi-zikloan.
UPV/EHUko “Gogo Elebiduna/La Mente Bilingüe” ikerketa-taldeak helduaroan hizkuntza nola prozesatzen dugun ikertzen du. Hitzaldi honetan, Gogo Elebiduna elkarteko kideek helduen hizkuntzaren prozesamenduari buruz egin dituzten ikerketez hitz egingo dizuete. Ikerketa horietan aztertzen dute zer mekanismo eta prozesu mantentzen diren bere horretan eta zeintzuk aldatzen diren helduaroan zehar, eta aztertzen dute zer babes-balio izan dezakeen elebitasunak adinean aurrera egiteak dakarren narriadura kognitiboan.
