| Lekua: Farmazia Fakultatea. Paseo de la Universidad, 7. 01006 Vitoria-Gasteiz Data eta Ordutegia: – 2025eko azaroaren 7a (ostirala), 16:30 (gaztelania) – 2025eko azaroaren 7a (ostirala), 17:35 (euskara) – 2025eko azaroaren 7a (ostirala), 18:40 (gaztelania) Publikoa: 12-20 urte Iraupena: 60 minutu |
Tailer hau 12 eta 20 urte bitarteko gazteentzat pentsatutako esperientzia interaktibo eta hezitzailea da. Ordubetean, parte-hartzaileak polimeroen mundu liluragarrian murgilduko dira, kontzeptu gakoak argi eta modu entretenigarrian erakusten dituzten ikusizko esperimentuen bidez. Material horien konposizioa eta eguneroko bizitzan duten presentzia landuko da, eta plastikoek ingurumenean duten eragina eta alternatiba jasangarriak aurkitzeko beharra bereziki azpimarratuko da.
Parte-hartzaileek polimero-motak eta horiek hainbat industriatan dituzten aplikazioak ezagutuko dituzte, eta ingurumenerako kaltegarriak diren plastikoen ekoizpena murrizteko berrikuntzak egitearen garrantziari buruz hausnartuko dute. Ikuspegi dinamiko eta parte-hartzailearekin, partaideak azalpen teorikoak jaso eta jarduera praktikoak egingo dituzte, material horiek nola osatuta dauden eta nola funtzionatzen duten behatzeko eta ulertzeko. Horren guztiaren helburua pentsamendu kritikoa eta zientziarekiko interesa piztea eta planetaren osasunari mesede egingo dioten ekintzak sustatzea da.