Bizitzaren hainbat alderditan lan egin duten emakumezko figurak ezagutarazten jarraitu nahi dugu, eta esparru zientifikoan eta teknologikoan duten funtsezko zereginaz kontzientziatu. Kasu honetan, horietako batzuek egiten duten lana nabarmendu nahi dugu, batez ere pertsona gehienentzat oso ezagunak ez diren baina gizartea eta planeta eraldatzeko funtsezkoa den eta urarekin zuzenean edo zeharka lotuta dagoen lana egiten duten emakumeengan arreta jarriz.
Txoko honetan, gogoratzen dugu mundua aldatzeko erabakia hartu duten emakumeak egon direla eta egongo direla, eta horietako asko garrantzitsuak direla, uretara salto egin eta korrontearen kontra igeri egitea erabaki zutelako. Emakume horiek erreferente femeninoak eta aitzindariak dira ozeanografian, itsas biologian, zoologian, biologia- eta ingurumen-zinezietan, geologian, arrantza-ingeniaritzan eta beste zientzia batzuetan.
