DIPC, CIC nanoGUNE, CFM eta POLYMAT stand honetan indarrak batu genituen helburu komun batekin: materialen izaera arautzen duen zientzia publiko guztiei hurbiltzea.
Materiaren propietateak ezagutzea eta bere fisika ikuspuntu esperimental eta teoriko batetik aztertzea, nanoeskalan mugituz, funtsezkoa da aplikazio ugariko material adimendun berriak garatzeko.
Hainbat froga eta esperimentu aurkezten ditugu, material “berri” horien atzean ezkutatzen den unibertso zientifikoa irudikatzeko. Propietate liluragarriak dituzten materialak ezagutuko ditugu, nanozientziaren, polimeroen ingeniaritzaren eta, oro har, materialen fisikaren arloetan izandako aurrerapen zientifikoari esker guregana iristen direnak.